Kavajë, kandidatët për kryetarë bashkie ‘kokë më kokë’

Edhe në Bashkinë Kavajë ka një rezultat të ngushtë votash mes dy kandidatëve për kryebashkiakë.

Fisnik Qosja i “Bashkë Fitojmë” dhe Redjan Krali i Partisë Socialiste garojnë kokë më kokë për të marrë drejtimin e bashkisë.

Ndërkohë në avantazh është kandidati i PS-së i cili është 295 vota para deri më tani.

Fisnik Qosja ka siguruar 5094 vota ose 48.6%, ndërsa rivali i tij 5389 ose 51.4%.

Deri tani janë numëruar 46 nga 92 kuti votimi, ndërsa procesi po ecën ngadalë. Të dy kandidatët kanë qëndruar përgjatë gjithë kohës në qendrën e numërimit. Ndërsa mësohet se nuk ka pasur kontestime votash nga asnjëra palë.