Inter dhe Milan do të zbresin në fushë në orën 21:00, për takimin e kthimit të gjysmëfinales së UEFA Champions League. Zikaltërit, do të kenë detyrën që të mbrojnë avantazhin prej dy golash, të akumuluar nga takimi i parë. Simone Inzaghi, nuk dëshiron që të bëjë eksperimente, duke parë vlerën e takimit e për këtë arsye, do të zbresë në fushë me futbollistët më të mirë.
Onana do të jetë në portë, Darmian, Acerbi dhe Bastoni, treshe e mbrojtjes.
Mesfusha me pesë do përbëhet nga Dumfries, Barella, Calhanoglu, Mkhitaryan dhe Dimarco. Në sulm, do të jetë dyshja Martinez-Dzeko. Kristjan Asllani, do e startojë takimin nga stoli.
Nga ana tjetër, “miqtë” nga Milanello, nuk kanë asgjë për të humbur. Stefano Pioli do rreshtojë një ekip me mentalitet sulmues, pavarësisht faktit se, sipas bookmakers-ave, nuk shihet si favorit as në këtë takim.
Maignan do mbrojë portën kuqezi. Mbrojtja me katër, do t’i besohet Calabrias, Thiaw, Tomorit dhe Hernandezit. Në mesfushë, të tërhequr do të jenë Tonali dhe Krunic me Diaz si mesfushor të avancuar.
Messias dhe Leao, nga krahët do të mbështesin francezin shtatlartë Olivier Giroud./m.b /gijotina.com
Discussion about this post