Një 53-vjeçar shqiptar që u nis drejt ishullit Kos të Greqisë për të punuar është gjetur i pajetë në det.
Sipas raportimeve nga mediat e huaja, familjarët kanë konfirmuar se trupi i 53-vjeçarit të gjetur në zonën detare të portit të Siros i përket shqiptarit Shkëlqim Hysi.
Mësohet se rojet bregdetare gjetën trupin në kalbje të avancuar në det dhe me ndihmën e zhytësve bënë të mundur nxjerrjen e tij.
Familjarët që kishin shpallur të zhdukur 53-vjeçarin që në fillim të prillit dhe ishin në kërkim të tij, pasi u morën në pyetje nga autoritetet greke konfirmuan identitetin e viktimës.
Autopsia e trupit të shqiptarit do zbulojë më shumë detaje rreth vdekjes së tij dhe hedhjes së trupit në det.
Discussion about this post