Foot Mercato po raporton se pronarët e OGC Nice janë takuar me ish-trajnerin e Brighton and Hove Albion dhe Chelsea FC, Graham Potter për të diskutuar transferimin e anglezit në Allianz Riviera. potter thuhet se është “i disponueshëm” ndaj idesë për t’u bashkuar me “Les Aiglons”, megjithëse ende nuk është marrë një vendim.
Siç zbulohet nga burime të kontaktuara nga mediat ndërkombëtare, Dave Brailsford, Drejtori i Sportit i INEOS (kompania që zotëron OGC Nice), po bën presion për të sjellë ish-menaxherin e Chelsea dhe Brighton në rivierën franceze.
Foot Mercato tani ka zbuluar se Nice po bën hapa konkretë për të sjellë Potter, i cili do të zëvendësonte Didier Digard. Ish-kapiteni i Nices ka qenë në krye që kur mori drejtimin nga Lucien Favre në janar, por pritet që ai të mos marrë frenat e klubit, sezonin e ardhshëm.
Në këtë kuadër janë zhvilluar dy takime mes Potter dhe INEOS. Potter është i interesuar për rolin, por ende nuk ka marrë një vendim përfundimtar. L’Équipe raportoi dje se Potter ishte vetëm një nga gjashtë emrat në listën e Nice për të zëvendësuar Digard, një listë që përfshin gjithashtu menaxherin aktual të Brighton, Roberto De Zerbi.
Discussion about this post