Ish-kryeministri Sali Berisha në një deklaratë për mediat, u shpreh për zgjedhjet e 14 majit, se këto zgjedhje ishin farsë elektorale, dhe se u rikthye loja me listat e votimit.
“Në këtë fazë, si kurrë më parë ndërhyrja ishte e përmasave të tmerrshme, saqë rrëzoi euron, në nivele të cilat nuk i kishte përjetuar kurrë më parë. Tipar i parë i industrisë shtetërore-mafioze, blerja e votës. Farsa elektorale gërshetoi në mënyrë të shëmtuar dy stile: stilin e narko-shtetit me stilin Putin, i cili parakupton përdorimi e të gjitha mjeteve të shtetit, për kontrollin e votës dhe ndryshimin e rezultateve. Në këto zgjedhje u rikthye me të gjitha pasojat, loja me listat e votimit. PD e denoncoi publikisht aktin kriminal të Edi Ramës dhe ministrit të familjes, Çuçi. Partia Demokratike e denoncoi këtë akt, si një përpjekje brutale për deformimin e votës. Dita e votimit, dita e përjashtimit të mbi 200 mijë zgjedhësve shqiptarë, emrat e të cilëve ishin transferuar në zona të tjera pa asnjë lajmërim. KQZ deklaroi se ditën e zgjedhjeve nuk votuan 180 mijë shqiptarë. Mediat që për fatkeqësinë e tyre, po bëjnë një zhurmë të dëmshme për shoqërinë.”
Berisha shtoi se: – “Në vitin 2013 votuan gjithsej 1 milion e 313 mijë zgjedhës, në vitin 2021 votuan 1 milion e 570 mijë zgjedhës. Në vitin 2023 votuan 200 mijë zgjedhës më pak së në vitin 2021, nga ku 180 mijë qytetarëve iu hoq e drejta për të votuar, për bindje të ndryshme politike. Ky është një akt kriminal, armiqësor ndaj opozitës. Heqja e të drejtës së votës, njësoj si në diktaturë.”
Discussion about this post