Vrasja e adoleshentit në Gramsh, prokurori kërkon burg për 4 të miturit

Prokuroria depozitoi në Gjykatë kërkesën e masës “arrest me burg” për 4 të miturit të përfshirë në konfliktin ku humbi jetën 15-vjeçari Fatjon Bici.

Në Gramsh, pranë shkollës “Asllan Shahini”, pak ditë më parë humbi jetën 15-vjeçari Fatjon Bici, pasi nuk i mbijetoi plagëve të marra nga sulmi me thikë, pas një sherri mes adoleshentësh.

Akuza ndaj tyre është vrasje në bashkëpunim dhe mbajtje pa leje e armëve të ftohta.

Së bashku me Fatjon Bicin, u plagos dhe kushëriri i tij, 15-vjeçari M.L.

Sipas burimeve konflikti ka filluar 2 javë më parë tek një kënd lojërash në Gramsh për shkak të rrjeteve sociale.