Shtyhet gjyqi Berisha-Veliaj, palët nuk ranë dakord për t’u pajtuar

Ka përfunduar seanca e zhvilluar ditën e sotme për gjyqin mes ish-kryeministrit Sali Berisha dhe kreut të Bashkisë së Tiranës, Erion Veliaj.

Sot është mbajtur seanca e para me përfaqësimin e dy palëve. Berisha është përfaqësuar nga Ivi Kaso dhe Veliaj nga avokati i tij mbrojtës.

Kujtojmë që nëse Berisha  nuk do të përfaqësohej sot, Prokuroria do ta shoqëronte me forcë.

Seanca e para ka zgjatur vetëm 20 minuta, ku avokatët e Berishës dhe Veliajt janë njohur me seancën e pajtimit nga SPAK, një procedurë ku palët që akuzojnë njëra tjetrën në seancën e parë u ofrohet mundësia e pajtimit  dhe më pas pushimi i çështjes, por kjo nuk ka ndodhur.

Mësohet se avokatët e të dy palëve nuk kanë rënë dakord për t’u pajtuar me njëra-tjetrën dhe në këtë mënyrë seanca është shtyrë.

Bëhet e ditur se seanca e radhës do të mbahet më 2 qershor në orën 13:30.

Ish-kryeministri është paditur për shpifje nga Kryetari i Bashkisë së Tiranës, Erion Veliaj.

Berisha e ka akuzuar kryebashkiakun se është politikani i vetëm shqiptar që ka lidhje me Iranin. Sipas tij, gjatë kohës që ai ka qenë kryeministër, Veliaj ka bërë udhëtime të herëpashershme me Teheranin.