Jurgen Bardhi është një nga lojtarët më të mirë që kanë dalë nga gjiri i Partizanit në vitet e fundit. I rritur në akademinë e Ilirisë së Fushë-Krujës, e rrjedhimisht i transferuar në 2014 te moshat e klubit të tretë në Shqipëri për tituj kampion të fituar, fantazisti nga Fushë-Kruja po shkëlqen edhe në Turqi, ku aktivizohet me Keçiorenguçu në Ligën e Parë turke.
Që nga firma me klubin e ri në verën e kaluar, Bardhi arriti të bëhet menjëherë i rëndësishëm dhe numëron plot 33 paraqitje në kampionat, nga 36 në total.
Pas fundit të kampionatit, Bardhi ka arritur të renditet në vendin e tretë për sa u përket asistuesve më të mirë të kampionatit.
Ish-fantazisti i Partizanit ka dhuruar 10 asistime, vetëm 1 më pak se dy lojtarët mbi të në renditje. Me siguri, ish-mesfushori i Partizanit do të jetë në orbitën e Kombëtares shqiptare.
Discussion about this post