Reali i Madridit rikthehet sonte, në fushë, në duelin e kampionatit spanjoll, përballë Rayo Vallecano.
Sfida, e vlefshme për javën e 36-të të La Ligas, vjen në një situatë shumë delikate për klubin mbretëror. Ngjarjet e Mestalla-s, janë ende temë kryesore në mediat spanjolle dhe jo vetëm.
Klubi është shprehur i lumtur për heqjen e pezullimit ndaj Vinicius, duke theksuar ama, se CTA duhet të pësojë ndryshime rrënjësore (kërkohet largimi i Medina Cantalejo, mbi të gjitha).
Duke u fokusuar te fusha e lojës, sonte në 19:30, “Los Blancos”, zbresin në fushë me disa nga titullarët absolutë. Ancelotti ka vendosur të lërë pushim, Vinicius, Mendy dhe Militao.
Nga ana tjetër, Rayo Vallecano vjen në këtë sfidë, me objektiv për të marrë fitoren e dytë sezonale ndaj Realit të Madridit. Të besuarit e Iraolas, kanë treguar që nuk e tërheqin këmbën nga kontrasti, duke luajtur një futboll shumë fizik si dhe duke qenë tejet cinikë në rastet që krijojnë.
FORMACIONET ZYRTARE:
REAL MADRID: Courtois, Carvajal, Rudiger, Alaba, Fernandez, Modric, Kroos, Camavinga, Valverde, Benzema, Rodrygo.
RAYO VALLECANO: Dimitrievski, Balliu, Lejeune, Catena, Garcia, Comesana, Valentin, Palazon, Lopez, Garcia, Camello.
/m.b /gijotina.com
Discussion about this post