Gjendet e vdekur shtetasja amerikane në Shkodër, çfarë ka ndodhur

Një ngjarje e rëndë është shënuar këtë mbrëmje në lagjen “Tre heronjtë” në Shkodër.

Një vajzë 36-vjeçare është gjetur pa shenja jete në një banesë të marrë me qira. Ngjarja është kallëzuar nga nëna e saj. Policia dyshon se e reja ka humbur jetën nga një mbidozë ilaçesh.

“Shkodër/Informacion paraprak

Rreth orës 18:00, salla operative e Drejtorisë Vendore të Policisë Shkodër ka marrë njoftim se në lagjen “Tre Heronjtë”, në hostelin ku banonte me qira, është gjetur nga nëna e saj, pa shenja jete, shtetasja A. N., 36 vjeçe, banuese në Texas, SHBA.

Në vendngjarje kanë shkuar menjëherë shërbimet e Policisë dhe grupi hetimor dhe nga këqyrja paraprake e trupit të 36-vjeçares, nuk janë konstatuar shenja dhune.

Nga veprimet e para hetimore dyshohet se shtetasja A. N. ka humbur jetën, për shkak të një mbidoze ilaçesh.

Grupi hetimor vijon punën për sqarimin e plotë të rrethanave të kësaj ngjarjeje”, njofton policia.