Kandidati për kryetar bashkie në zgjedhjet e 14 majit për Bashkinë Kuçovë, Lefter Maliqi, ka bërë të ditur se KAS ka pranuar të shqyrtojë kërkesën e “Bashkë Fitojmë” për atë që ai e quan masakra elektorale të kryer në KZAZ 64 gjatë numërimit të votave.
Lefter Maliqi ka deklaruar se beteja e tij po vijon në KAS,Kolegjin Zgjedhor,KQZ-në e SPAK,ku ai ka depozituar të gjitha kallëzimet në lidhje me vjedhjet e votave në Kuçovë.
“Unë jam i bindur se me hapjen e kutive gjithçka do të ndryshojë dhe vota do ti kthehet fituesit të vërtetë,që është populli i Kuçovës.Sado pak drejtësi të ketë,unë besoj se shumë shpejt bashkia e Kuçovës do ti kthehet qytetarëve.
Shumë shpejt do të hapen kutitë, pavlefshmëria do të zbulohet, faktet dhe provat për vjedhjen e votave janë të shumta. Krimi elektoral që ka ndodhur në KZAZ 64 në Kuçovë do të zbardhet në hapjen e kutive në KQZ”, ka thënë Maliqi.
Discussion about this post