Komisioneri i Bashkimit Evropian për Zgjerim dhe Fqinjësi, Oliver Varhelyi, sot do të vizitojë Kosovën, ku do të zhvillojë takime me udhëheqësit e institucioneve.
Takimi i kryetarit të Kuvendit të Kosovës, Glauk Konjufca me Komisionerin e BE-së për Fqinjësi dhe Zgjerim, Olivér Varhelyi, i parashikuar për sot në orën 11:10, nuk do të mbahet, ka njoftuar Kuvendi i Kosovës.
“Takimi i kryetarit të Kuvendit, Glauk Konjufca me Komisionerin e BE-së për Fqinjësi dhe Zgjerim, Olivér Várhelyi, i parashikuar për sot në orën 11:10, nuk do të mbahet”, -thuhet në njoftim
Varhelyi do t’i fillojë takimet e tij në Presidencë, ku do të pritet nga presidentja Vjosa Osmani në orën 12:00, pas së cilit do të japin edhe deklarata për media. Fillimisht, takimi ishte parashikuar të niste në 10:00.
Takimi u shty për një orë edhe me kryeministrin Albin Kurti. Fillimisht u raportua se komisioneri do ta takonte Albin Kurtin në orën 11:05, por takimi u shty për në orën 12:45.
Discussion about this post