Me pankartat “Mos u ngopshi”, Lëvizja Bashkë proteston ditën e sotme, para Kuvendit kundër rritjes së pagave për pushtetarët.
Parlamenti pritet të miratojë sot projektligjin që rrit rrogat e ministrave dhe deputetëve. Në kundërpërgjigje, Lëvizja Bashkë është mbledhur para parlamentit për të protestuar kundër këtij ligji.
Në shenje proteste, qytetaret kanë hedhur edhe para false në tokë.
Parlamenti pritet të miratojë sot dy projektligje, që janë pjesë e reformës së pagave, më e madhja që do të aplikohet deri më sot.
Behet fjalë për rritjen e pagave të gjithë administratës publike, ku përfshihet qeverisja qendrore dhe ajo lokale. Ne total do të përfitojnë 130 mijë punonjës.
Discussion about this post