Kuvendi njeh Bardhin në krye të grupit të PD-së, Shehu: Shkelje skandaloze

Deputeti demokrat, Tritan Shehu, reagoi ashpër pasi mazhoranca socialiste në Kuvend njohu Gazment Bardhin si drejtues të grupit parlamentar demokrat.

Shehu tha se kjo është një shkelje skandaloze e rregullores dhe e ligjit.

Shehu tha se është e turpshme që të zyrtarizohet në këtë formë Bardhi, kur është zgjedhur vetëm me 18 vota.

“Prej kohësh në këtë sallë bëhen shkelje të procedurës, ju u takon ta mbroni këtë Parlament… Përjashtohen deputetë në mënyrë arbitrare, dhe ju e justifikoni. Njoftoni zgjedhjen e dikujt si kryetar i grupit të PD me 18 vota që ka marrë, si munden të njoftohen zyrtarisht këtu? Votohet me 18 vota dhe zyrtarizohet këtu, turp i Zotit. Veprime antidemokratike. Qesharake për të gjithë, dhe për ju që e zyrtarizoni”, deklaroi Tritan Shehu.

“Kjo është çështje e tejkaluar, ka dy vite që është ngritur kjo procedurë’, u përgjigj Felaj.