“Bashkë deri në fitore”/ Zelensky falënderon shtetin nordik për ndihmën ushtarake

Presidenti i Ukrainës, Volodymyr Zelensky, e ka falënderuar Finlandën për marrëveshjen për ndihmë shtesë ushtarake për vendin e tij.

Ai falënderimin e bëri përmes një postimi në rrjetin social Twitter, për pajisjet shtesë, të cilat përfshijnë armatim kundërajror dhe municione.

“Falënderoj Finlandën dhe presidentin për zbatimin e shpejtë të marrëveshjeve tona të arritura në Helsinki. Paketa e 16-të e ndihmës mbrojtëse për Ukrainën, e cila do të përfshijë sisteme kundërajrore dhe municione, nevojitet urgjentisht në fushën e betejës. Së bashku deri në fitore”, ka shkruar Zelensky.