Shpërthim në një fasoneri te Fresku në Tiranë

Një shpërthim ka ndodhur këtë mbrëmje në kryeqytet.

Mësohet se ngjarja ka ndodhur në zonën e Freskut.

Shpërthimi ka ndodhur në një fasoneri. Nga shpërthimi nuk ka pasur dëme në njerëz, por vetëm dëme materiale.

Bëhet me dije se vetë drejtori i Policisë së Shtetit Muhamet Rrumbullaku ka shkuar në vendngjarje, për të vëzhguar nga afër hetimet në lidhje me këtë ngjarje të ndodhur.

“Më datë 25.05.2023, rreth orës 21:50, në rrugën “Fadil Deliu”, në portën e jashtme të një fasonerie në pronësi të shtetasit Italian Roberto Bingaido, dyshohet se ka shpërthyer një sasi e vogël  lëndë plasëse.

Si pasojë është dëmtuar dera e jashme e hekurit, thyer disa xhama dhe një automjet që ka qënë i parkuar. Nuk ka persona të dëmtuar.

Grupi hetimor ndodhet në vendngjarje dhe po punon për sqarimin e rrethanave të ngjarjes, identifikimin dhe kapjen e autorit/eve”, njofton policia.