Ministrja e Jashtme, Olta Xhaçka ka reaguar për aksidentin tragjik të ndodhur në Bullgari, ku kanë ndërruar jetë deri më tani, të paktën 46 turistë nga Maqedonia e Veriut, mes tyre dhe fëmijë.
Ndërsa i shpreh ngushëllimet familjarëve, Xhaçka thotë se Shqipëria është pranë popullit të Maqedonisë së Veriut në këtë moment të vështirë.
“Dhimbje e madhe për 46 jetët e humbura të shqiptarëve nga Maqedonia e Veriut gjatë aksidentit tragjik në Bullgari. Ngushëllimet më të sinqerta familjeve të viktimave dhe shërim të shpejtë të plagosurve. Shqipëria është pranë në këtë moment të vështirë”, tha Xhaçka.
Ngjarja e rëndë ndodhi rreth orës 02:00 të mëngjesit të sotëm, ku 46 turistë nga Maqedonia e Veriut, humbën jetën pasi një autobus u përplas dhe u përfshi nga flakët në një autostradë në Bullgarinë perëndimore.
Discussion about this post