Ka përfunduar seanca gjyqësore për Laert Haxhiun në Gjykatën e Janinës. Gjykata dha masën “Arrest në burg” dhe Laert Haxhiu do të dërgohet në burgun e Korydallos, i arrestuar në qarkun Eleousa të Janinës dhe i akuzuar për vrasje në Shqipëri .
Sipas mediave greke, 31-vjeçari Laert Haxhiu do të dërgohet në burgun e Korydallos, deri në paraqitjen e kërkesës zyrtare për ekstradimin e tij, pasi kërkohet nga policia shqiptare si pjesëtar i grupit kriminal, ndërsa është akuzuar për vrasje dhe tentativë vrasje në Shqipëri.
Sipas avokatit të tij, ai nuk i pranon akuzat për masakrën e Lushnjës në 2017, me dy të vdekur dhe dy të plagosur, dhe nuk dëshiron të ekstradohet nga autoritetet shqiptare, por kërkon të qëndrojë në Greqi.
Çështja do të shkojë në Bordin e Apelit, për të shprehur kompetencat për të vendosur pro ose kundër ekstradimit, dhe më pas në Gjykatën e Lartë.
Discussion about this post