Komisioni i Apelit ka vendosur mëngjesin e sotëm të ulë sanksionin e vendosur ndaj Valencias dhe të stadiumit Mestalla pas fyerjeve raciste ndaj Vinicius.
Komiteti, në këtë mënyrë, dënimin që në parim ishte pesë ndeshje me tribunën Mario Kempes të mbyllura dhe një gjobë prej 45,000 euro, e uli në tre ndeshje me tribunën bosh dhe një gjobë prej 27,000 euro, siç njoftoi Radio MARCA Valencia.
Nga klubi u njoftua se do të shkohet deri në fund dhe se do të kërkohet një pezullim paraprak i dënimit, për shkak të rëndësisë së ndeshjes që do të luhet të dielën e ardhshme në Mestalla dhe në të cilën Valencia ka nevojë për rezultat pozitiv kundër Espanyolit për të qëndruar në kategorinë elitare të futbollit spanjoll.
Klubi valencian, ka bërë gjithashtu me dije, se do të shkojë në Tribunalin e Arbitrazhit Sportiv për të kërkuar anulimin e plotë të dënimit.
Discussion about this post