Sevilla shfaqet si favoritja për të fituar Europa League, pasi ka fituar 6 trofe të tilla, në po aq finale që nga viti 2006. Por askush nuk mund të thotë se mbajtësja e Conference League, Roma është jashtë kontrollit.
Në të kundërt, ‘verdhekuqtë’ po tregohen mjaft konkurrues këtë vit dhe kanë avantazhin e të pasurit të Jose Mourinhos në krye të stolin e tyre, i cili ka 5 fitore në po aq finale evropiane, me Arrigo Sacchin që është marrë në pyetje për ndeshjen e madhe më 31 maj në Budapest.
“Roma ka një trajner të mrekullueshëm, i cili ka shumë përvojë dhe që mund të shesë edhe frigoriferë në Alaskë. Skuadrat e tij i kushtojnë vëmendje detajeve, por kanë një personalitet të fortë dhe nuk dorëzohen kurrë.
Ata kanë karakter, ashpërsi, një ndjenjë përkatësie. Ai, si personazh autentik që është, mundi të bëhej një me mjedisin dhe skuadrën”,- theksoi trajneri me përvojë, i cili shkroi faqe të arta lavdie në pankinën e Milanit, për të shtuar:
“Do të shohim një finale mes një ekipi, Sevillas, që preferon të ketë topin dhe një, Rome, me karakter thjesht mbrojtës, me stil italian. Mund të presësh gjithçka nga Mourinho dhe skuadrat e tij. Edhe një truk i madh”.
Discussion about this post