Thasë me kanabis në makinë, arrestohen dy trafikantët e drogës

Dy persona kanë rënë në prangat e policisë së Durrësit, pasi janë kapur në flagrancë duke transportuar kokainë.

Mësohet se, në kuadër të operacioni “Nikla”, janë arrestuar M.B., 40 vjeç dhe G.T., 40 vjeç, të dy banues në Nikël, pasi nga kontrolli fizik i tyre dhe i mjetit tip ”Volkswagen”në të cilin ata udhëtonin, u gjetën 4 thasë plastikë me lëndë narkotike të dyshuar cannabis sativa, me peshë 41 kilogramë.

Në cilësinë e provës materiale u sekuestruan lënda narkotike, automjeti dhe 2 aparate celulare.

Policia po vijon punën për identifikimin dhe kapjen e personave të tjerë të implikuar në këtë veprimtari kriminale. Materialet i kaluan Prokurorisë, për veprime të mëtejshme, për veprën penale “Prodhimi dhe shitja e lëndëve narkotike”.