Grabitje me armë në Greqi, arrestohet shqiptari

Mediat greke kanë raportuar një ngjarje, ku një maroken dhe një shqiptar grabitën me armë një 29-vjeçar

Oficerët e policisë arrestuan pasditen e së dielës në zonën e Kallitheas një 28-vjeçar maroken dhe një 29-vjeçar shqiptar, nën akuzën e grabitjes .

Sipas mediave greke, dy të huajt i janë afruar pak pas orës 19:30 një 29-vjeçari, i cili ndodhej në rrugën Syngrou dhe pasi e kanë kapur edhe nën kërcënimin e armës, i kanë marrë të gjitha paratë dhe një celular që kishte me vete.

Menjëherë pas kësaj, dy autorët janë larguar në drejtim të panjohur.

Por pak më vonë, efektivët e policisë, të cilët kanë shkuar me shpejtësi në vendngjarje, i kanë lokalizuar dhe i kanë arrestuar.