Tentoi të vriste një person më armë zjarri në Elbasan, arrestohet 23-vjeçari Briken Rusta

Është arrestuar nga policia 23-vjeçari Briken Rusta i cili tentoi të vriste me armë Maringlen Hidën rreth katër ditë më parë.

Në kuadër të operacionit “Plani”, Policia e Elbasanit njoftoi për parandalimin e vrasjes së një shtetasi me precedent kriminal.

Autori i këtij krimi të mbetur në tentativë ishte 23-vjeçari Briken Rusta, i cili kërkonte të vriste një 24-vjeçar të dënuar 2 herë më parë, për veprimtari kriminale në fushën e narkotikëve me të cilin ishte konfliktuar para disa ditësh.

Në pamundësi për të realizuar planin e tij, si rezultat i presionit policor në terren, në lagjen “Qemal Stafa”, në rrugën “Tomorr Sinani”, Briken Rusta ka hedhur armën e zjarrit në rrugë dhe është larguar.