“Sali Berisha dhe Lulzim Basha duhet të bëjnë hapa pas”, u shpreh deputeti Agron Gjekmarkaj, duyke shtuar se vetëm kështu Partia Demokratike mund të rikonceptohet.
Lidhur me mundësinë e rikthimit të Lulzim Bashës në krye të PD, Gjekmarkaj tha se nuk e di sa seriozisht mund ta marrin njerëzit kur thotë se mund të jetë risia dhe fituesi.
“Në Shqipëri kishte ardhur koha të ndërrohej pushteti por opozita jonë nuk i ka bindur shqiptarët që të jetë e denjë për të ardhur në qeveri. Dalin e shajnë votuesit.
Njerëzit të mbështesin nëse u jep perspektivë. Është një fluks i rëndësishëm votash, është bazik. Nuk funksionon duke i thënë Berishës ik, largohu ti që të vijmë ne. Ai duhet të bëjë disa hapa pas që PD të rikonceptohen.
Të njëjtën ta bëjë dhe Basha që të mos bëhet personazh memesh. Belind Këlliçi mund të ishte rezultat më i mirë po të mos ishte i atashuar me Berishën. Basha tenton të kthehet e të marrë gjënë e mbetur”, theksoi Gjekmarkaj.
Discussion about this post