Gjatë ditës së sotme në Vlorë pritet të shembet një objekt 2-katësh nga IMT. Pronarët kanë bërë rezistencë, për të mos lejuar shembjen e pronës së tyre.
Sipas bashkisë, banesa dykatëshe do të prishet me pretendimin se aty do kalojë një rrugë.
Por dy prej familjeve që jetojnë në këtë ndërtesë janë shprehur kundër prishjes, pa marrë një firmë nga bashkia se do të dëmshpërblehen dhe do të kenë një banesë të re. Ndërkohë forcat e policisë kanë rrethuar banesën dhe pritet që më pas forcat e IMT ta prishin atë.
Bashkia e Vlorës në një reagim të saj, më pas ka sqaruar se të 7 familjet kanë rënë dakord me zbatimin e projektit.
“Janë shpronësuar dhe një pjesë e tyre ka kryer edhe tërheqjen e vlerës monetare. Disa prej familjeve edhe pse kanë firmosur janë bërë pishman për shkak të vlerës.” shprehet Bashkia.
Sipas familjarëve, Bashkia i ka shpronësuar me vlerën rreth 350 mijë lekë të rinj dhe me këto lekë thonë banorët nuk mund të blejnë dot një tjetër apartament.
Discussion about this post