Karim Benzema ka hedhur poshtë mundësinë e largimit nga Real Madrid për një kalim të mundshëm në Arabinë Saudite te skuadra e Al-Ittihad.
Eksperti i njohur i merkatos, Fabrizio Romano ka publikuar në Twitter, një pjesë të një deklarate të francezit, ku thotë se e di se sa shumë e duan tifozët e Real Madrid dhe se nuk ka pse të flasë për të ardhmen e tij, përderisa është ende te “mbretërorët”.
Pse të flas për të ardhmen nëse jam në Madrid…”. Kush po flet është interneti, dhe jo realiteti”.
“E di sa shumë më duan tifozët e Real Madridit. E ndjej këtë kur jam në fushë. Unë jap më të mirën për ta, gjithmonë. Unë gjithmonë them se ne luajmë me 11 në fushë, por edhe me faktorin vendimtar, tifozët e Real Madridit”.
Jam shumë krenar për karrierën time. Më kujtohet kur nënshkrova këtu te Reali… isha fëmijë, me një ëndërr që një ditë të luaja për Real Madridin”.
Sipas disa raportimeve, Karim kishte pranuar ofertën e klubit saudit, që i kishte ofruar kontratë dy vjeçare, për 400 milionë euro. Megjithatë, vetë fituesi i ‘Topit të Artë”, e hodhi poshtë diçka të tillë, të paktën momentalisht.
Discussion about this post