2 Qershor, festohet 77-vjetori i Republikës Italiane

Me mbërritjen e Presidentit italian, Sergio Mattarella në “Altare della Patria”, filluan edhe festimet e 2 Qershorit.

“Sot festojmë 77-vjetorin e lindjes së Republikës” – tha Kreu i Shtetit, Mattarella

“Vlerat e zgjedhjes së 2 qershorit 1946, të përfshira në Kartën Kushtetuese, 75 vitet e jetës së së cilës kujtojmë, vazhdojnë të na udhëzojnë në rrugën e një protagonisti autoritar të Italisë në atë Bashkimin Europian që ne kemi ndihmuar për të ndërtuar”.

“Një kontribut për paqen botërore nga Forcat e Armatosura”

“Vlerat e Republikës dhe Kushtetuta frymëzojnë veprimin e Forcave të Armatosura, të cilat kontribuojnë ndjeshëm në kuadrin e sigurisë së komunitetit tonë kombëtar dhe në kauzën e paqes në botë”, tha Presidenti i Republikës.

Ndërkohë Mattarella i dha një mesazh edhe Shefit të Shtabit të Mbrojtjes, Admiralit Giuseppe Cavo Dragone.

“Qëllimi i përbashkët dhe sinergjia që ata shprehin me kontingjentet e vendeve të tjera, në kuadër të misioneve të përcaktuara nga komuniteti ndërkombëtar, janë elementë thelbësorë për ndërtimin e një arkitekture të përbashkët sigurie, themelin e stabilitetit social dhe mirëqenies kolektive”, shtoi kreu i shtetit Mattarella.

Gjithashtu, kryeministrja italiane, Giorgia Meloni u shpreh se “Atdheu është fryt i sakrificave që bëhen bashkë”

“Bashkësia kombëtare, atdheu, në fund të fundit është ky. Është një dimension sakrificash që bëhen bashkë, për ata që e bënë para nesh, dhe për ne që e bëjmë ndaj të tjerëve”.

Kështu u shpreh Giorgia Meloni, në nisje të festimeve të festës së Republikës në Romë.