Një shpërthim i fortë tronditi Beogradin këtë të martë pasdite. Shpërthimi ka ndodhur në një impiant ku prodhoheshin raketa. Sipas autoriteteve, referuar komandantit të Brigadës së Zjarrfikësve dhe Shpëtimit të Beogradit, Millosh Majstoroviç, nga shpërthimi raportohet për dy viktima dhe 16 persona të tjerë të plagosur.
Shërbimi publik bën të ditur se shpërthimi ka ndodhur në fabrikën “Edepro” për prodhimin e raketave dhe pjesëve të raketave për mbrojtjen kundër breshrit. Tre të plagosur rëndë janë transportuar në reanimacionin e Emergjencës, ndërsa dy në Akademinë Mjekësore Ushtarake. Ata kanë pësuar djegie, por nuk dihet në çfarë mase.
Në impiantin ku prodhohen raketat në momentin e shpërthimit kanë qenë rreth njëqind punëtorë. Shpërthimet kanë ndodhur në një magazinë prej 260 metrash katrorë që përmbante 500 raketa me 30 kilogramë eksploziv. Menjëherë pas shpërthimit janë dërguar 11 vetura me 36 zjarrfikës, e më pas edhe përforcime, raporton Ministria e Punëve të Brendshme të Serbisë.
— Dr Rock (@doktorzarock) November 23, 2021
Discussion about this post