Lajmi i ndarjes nga jeta të aristes Hueyda El Saied tronditi miqtë, të afërm e publikun e gjerë që e ndoqi ndër vite në ekranin shqiptar.
Artistja prej më shumë se një viti po luftonte me sëmundjen e kancerit të gjirit por ajo kishte zgjedhur të mos i tregonte askujt.
Miq të artistes, në një “In memorium” për të në “Ftesë në 5”, tregojnë se ky lajm i erdhi shumë i papritur.
“Kisha kuptuar diçka por nuk ma merrte mendja kurrë. Në fillim kishte shpresë, por sëmundja iu përhap në trup në mënyrë agresive” – tregon koreografja Kozeta Bakiu.
Ajo shprehet se artistja ishte kujdesur që të mos i ngelte asnjë peng, ndërsa u kujdes që djali të merrte mbiemrin e bashkëshortit që ta linte në ‘duar’ të sigurta.
“Kur kisha ditëlindjen këtë vit, më solli një pikturë të sajën dhe më tha që i është rikthyer pikturës” – rrëfen Bakiu.
“Nuk kam guxuar të pyes. Na thoshte që do vinte të takoheshim. Akoma nuk më besohet që nuk është më. Është ajo vajza ndryshe, shumë dimensionale, e talentuar, ‘show girl’ e para shqiptare. Në librat e saj, nuk lodhej së shkruari, aktiviste e të drejtave të njeriut, juriste në profesion. Gjithnjë e qeshur. Do të mbetet gjithmonë në mendjen time” -shprehet miku i saj, gazetari Ardi Pulaj.
Miqtë thonë se Hueyda i kishte kërkuar të mblidheshin si gjithmonë, për të festuar së bashku, kur të vinte në Tiranë, takim që nuk u realizuar dhe për miqtë e saj mbetet peng.
Hueyda El Saied humbi jetën në moshën 46-vjeçare, në Luksenburg, ku jetonte me djalin e saj, Gabrielin dhe partnerin, me të cilin pak kohë më parë kishte lidhur edhe martesë.
Discussion about this post