Roma arriti kualifikimin në Europa League të dielën falë një penalltie të shënuar në ekstrem nga Paulo Dybala, por fitorja ndaj Spezias në ditën e fundit të Serisë A (2-1), u përjetua keq në radhët e ‘verdhekuqve’ nga dëmtimi i rëndë i Tammy Abraham.
Sulmuesi anglez, një lojtar kyç i José Mourinhos, doli nga fusha në minutën e 64-të, por vetëm një çerek ore më vonë, ai duhej të ngrihej me barelë. Diagnoza, pas analizave të kryera sot nga Roma, tregojnë për një dëmtim i ligamentit të kryqëzuar të përparmë të gjurit të djathtë.
Edhe pse klubi ‘verdhekuq’ nuk specifikon se sa kohë do të jetë jashtë, apo nëse do t’i nënshtrohet një operacioni, shtypi italian raporton se Abrahami do të mungojë nga fusha e futbollit për nga tre deri në katër muaj.
“Faleminderit të gjithëve për mesazhet tuaja. Do të kthehem së shpejti, më i fortë se kurrë,”- ka shkruar sot në llogarinë e tij në Instagram, Abraham, autori i tetë golave dhe tre asistimeve këtë sezon në Serie A.
Discussion about this post