Nuk ishte e thënë, Shqipëria i jep lamtumirën botërorit

Kombëtarja shqiptare e minifutbollit është detyruar që t’i japë lamtumirën Kupës së Botës, që po zhvillohet në Essen të Gjermanisë, në raundin e 1/16-ave.

Djemtë kuqezi u eliminuan nga turneu pas humbjes 3-1 ndaj kombëtares së Ukrainës.

Europiano lindorët kaluan në epërsi me Andrey (7’), ndërsa dyfishuan avantazhin me anë të Denys (12’).

Shqipëria tentoi në disa raste që të reagonte dhe ia doli të përgjysmonte deficitin në minutën e 32’ me Kacën.

Megjithatë në minutën e 40’ Denys realizoi golin e tretë për Ukrainën, duke vulosur rezultatin e kësaj sfide.