Aksident në Fier-Lushnjë, kamioni përplaset me mjet transporti

Një aksident ka ndodhur pak minuta më parë në autostradën Fier – Lushnje.

Në aksident janë përfshirë dy mjete, një kamion dhe një mjet transporti.

Drejtuesi i mjetit të transportit ka mbetur i bllokuar në mjet për disa minuta, ndërkohë që policia dhe zjarrfikësit kanë bërë të mundur nxjerrjen e tij nga mjeti me dëmtime të lehta.

Ai është transportuar drejt Spitalit Rajonal të Fierit për të marrë ndihmën mjekësore.

“Rreth orës 17:00, në Bypass_in e Fierit, automjeti tip “Benz” me drejtues shtetasin Gj. N., 45 vjeç, është përplasur me motomjetin me drejtues shtetasin G. S., rreth 60 vjeç, banues në Hoxharë, Fier.

Si pasojë e përplasjes është dëmtuar shtetasi G. S. i cili ndodhet në spital, në kujdesin e mjekëve.

Grupi hetimor po punon për përcaktimin e shkakut të aksidentit”, njofton policia.