Klea Huta dhe Elgit Dodës zbuluan në “Më Lër të Flas”, disa detaje nga dasma e tyre magjepsëse të dielën e shkuar.
Për sa i përket unazës ai tha se nuk do ta mbajë në gisht.
“Kam vendosur ta bëj varëse unazën, nuk na mban unaza”, tha Elgiti.
Ndërkohë moderatorja tha se nuk e kishte problem: “Si ta ndiejë ai, si të jetë ai më rehat, është trupi i tij personal.”
Ata i dhanë betimet njëri-tjetrit në altar, mes lotësh dhe shumë emocionesh, para punonjëses së bashkisë. Klea dukej magjepsëse me një fustan të bardhë saten ngjitur pas trupit, me flokët të mbajtur bisht. Ndërsa pjesën e bustit, ajo zgjodhi ta ketë me gurë në formë lulesh të vogla. Nga ana tjetër, Elgiti zgjodhi që në ditën e dasmës të veshë kostum ngjyrë bezhë.
Historia e tyre e dashurisë nisi rreth shtatë vjet më parë, kur bashkëpunuan për këngën “Amla”, ndërsa tashmë janë prindër të një djali të quajtur Krid, i cili një ditë më parë mbushi 3 vjeç./SHQIP
Discussion about this post