Reali i Madridit po ndjekë nga afër ecurinë e Endrick në Brazil. Veç kësaj, ky interes është i dyanshëm, pasi edhe vetë futbollisti është shumë i vetëdijshëm për lëvizjet që ndodhin në Santiago Bernabeu.
“Los Blancos” duan të vazhdojnë ndërtimin e skuadrës më të mirë të mundshme dhe të marrin parasysh të gjithë lojtarët që do të jenë pjesë e ekipit të parë. Endrick është një nga lojtarët e vlerësuar nga bordi dhe ata nuk duan të mbyllin një derë për ardhjen e tij në të ardhmen.
Sulmuesi brazilian është një nga talentet e mëdha të futbollit sot dhe mbi të ka shumë shpresa. Në Madrid po marrin parasysh që Endrick mund të kërkojë një hapësirë në 2024 dhe opsioni i tij po shqyrtohet nga drejtuesit.
Ndërkohë, Ancelotti kërkon përforcime për të zëvendësuar sulmuesit e larguar. Ardhja e futbollistëve si Kylian Mbappé do bënte që Endrick të mos luante shpesh, por ky nuk është problem për 16-vjeçarin.
Sulmuesi nga Rio de Janeiro është plotësisht i vetëdijshëm se çfarë do të thotë të vijë te Real Madrid dhe e di se nënshkrimi i mundshëm i Mbappe do të ishte diçka pozitive për të.
“Jam shumë i lumtur nëse ai vjen, do të më pëlqente të luaj në krah të tij dhe të garoj me të në Madrid”, tha Endrick për enturazhin e tij, sipas “DefensaCentral”.
Endrick e di se diferenca në cilësi mes kontinenteve është e madhe dhe ai do të kërkojë të mësojë nga futbollistët më të mirë në mënyrë që të konkurrojë në nivelin e tyre. Sulmuesi brazilian mezi pret për të shkuar në Madrid dhe për të filluar punën së bashku me idhujt e tij.
Discussion about this post