Pas një viti do të luhet topi i parë i kampionatit europian të futbollit, që rikthehet pas më shumë se 3 dekadash në Gjermani. Vendi teuton do të presë turneun nga 14 qershori deri më 14 korrik 2024, në 10 qytete, pa kërkuar as ndërtimin e stadiumeve të rinj, duke parë që stadiumet e Botërorit 2006, janë në kushte fantastike.
“Jam i lumtur që jemi të gjithë këtu, për të filluar me entuziazëm, me besimin se gjithçka po shkon mirë dhe se do të arrijmë edhe rezultate të mira”,- tha kancelari Olaf Scholz.
Kancelari gjerman, duke mbajtur lart një fanellë të zbukuruar me sloganin “një lojë në shtëpi për Evropën”, shoqërohej nga ministrja e Brendshme, Nancy Feiser, presidenti i Federatës Gjermane të Futbollit (DFB), Bernd Neuendorf dhe drejtori i turneut, Philipp Lahm, ndër të tjera në kopshtin e kancelarisë dhe me trofe para tyre.
Gjermania ka një mori stadiumesh, që organizojnë rregullisht ngjarje ndërkombëtare, nga “Allianz Arena” e Bayern Munich deri te “Signal Iduna Park” i Borussia Dortmund, dy prej të cilave do të riemërohen për turneun.
“Allianz Arena”, e cila gjatë turneut do të quhet “Munich Football Arena”, do të presë ndeshje për të dytin Euro radhazi, pasi ishte i vetmi stadium gjerman gjatë “Euro 2020” të zgjeruar në vitin 2021 për shkak të pandemisë. Këlni, Shtutgarti, Frankfurti, Dyseldorfi, Hamburgu, Gelsenkirchen, Leipzig dhe Berlini do të jenë gjithashtu nikoqir i ndeshjeve vitin e ardhshëm.
🏟️😍
🪽 Fly though the venues for #EURO2024 🇩🇪 pic.twitter.com/cS1rvzbAFe
— UEFA EURO 2024 (@EURO2024) June 14, 2023
“Ky do të jetë një kampionat evropian shumë i veçantë, sepse ne mund të zhvillojmë struktura që janë tashmë atje,”- tha Scholz. “Kjo është diçka e veçantë, fakti që nuk duhet të ndërtosh gjithçka. Stadiumet janë aty, transporti publik mund të përballojë shifrat e mëdha,”- shtoi ai.
Presidenti i DFB-së pa edhe përfitime të mëdha potenciale për klubet amatore: “Është e rëndësishme për futbollin në Gjermani në tërësi. Ne priremi të fokusohemi shpesh te futbolli profesionist, por ky turne duhet të jetë i gjerë dhe specifik për 25.000 klubet që kemi në Gjermani. Ky entuziazëm duhet të transmetohet te amatorët”,- tha Neuendorf.
Ky do të jetë turneu i parë i madh i futbollit në vend që nga Kupa e Botës 2006, e cila ndezi një valë emocionesh në të gjithë vendin. Më shumë se një milion njerëz u gjendën në zonat e tifozëve në të gjithë vendin për të parë ndeshjet.
Gjermania Perëndimore priti Kampionatin Evropian në vitin 1988. Finalja e turneut është planifikuar për më 14 korrik në stadiumin Olimpik të Berlinit.
Discussion about this post