Në gjysmëfinalen e Ligës së Kombeve, në program sonte kundër Spanjës në 21:00, Roberto Mancini do të kalojë kuotën e 60 ndeshjeve në krye të kombëtares italiane (ai është trajneri i tretë më jetëgjatë ndonjëherë pas Bearzot dhe Pozzo).
Një moment perfekt për të bërë disa vlerësime: “Çdo herë që kthehemi pas, ka pasur disa momente të bukura dhe të tjera shumë të vështira, por kjo është pjesë e sportit dhe e jetës – fjalët e tij për kanalet zyrtare të Federatës Italianë të Futbollit – Duhet të pranoni gjithçka dhe shikoni përpara, sepse kemi synime të rëndësishme”.
Një muaj më parë Mancini festoi edhe 5 vjet në stolin e kaltër: “Janë shumë, është e vështirë ta bësh këtë punë për kaq shumë kohë, është pak si kryeministri… Shpresoja në këtë pikë të kisha fituar tashmë një Kupë Bote, ky ishte qëllimi. Fatkeqësisht, ne nuk u kualifikuam. Tani do të duhet të presim edhe dy vite të tjera për t’u përpjekur të arrijmë edhe atë trofe.”
Ndeshja Spanjë-Itali, është e rëndësishme, duke parë që është në lojë vendi për në finalen e madhe të turneut më të ri të UEFA-s, për ekipet kombëtare.
Fituesi i këtij takimi do të ndeshet, të dielën, me Kroacinë, ndërsa humbësi, do të përballet me Holandën (po të dielën), në play-off-in për vendin e tretë.
Discussion about this post