VIDEO/ Sherr për pronën, 9 të vrarë dhe 2 të plagosur

Nëntë persona mbetën të vrarë dhe dy të tjerë u plagosën, pas një konflikti për pronën mes dy familjeve në Turqi.

Sipas mediave vendase, mosmarrëveshja lindi për pronësinë e një ferme prej 20 hektarësh, në rrethin Bismil në provincën me mbizotërim kurd të Dijarbakirit.

Imazhet e transmetuara nga mediat turke tregojnë trupat e gjashtë burrave të shtrirë në një arë me grurë të korrur, ku tre prej tyre mbanin automatikë kallashnikov.

Sipas agjencisë turke të lajmeve DHA, mosmarrëveshja u përshkallëzua pasi një nga familjet ndezi zjarrin në parcelën në fjalë.