Kryesia e Partisë Demokratike të vulës vendosi sot të thërrasë mbledhjen e Këshillit Kombëtare me 20 qershor. Duket se anëtarët e kryesisë kanë pranuar një kërkesë të Gazment Bardhit dhe një grupi deputetësh, për thirrjen e Këshillit Kombëtar, që duhet të vendosë mbi procesin zgjedhor në këtë parti.
Kryesia e PD vendosi organizimin e procesit për zgjedhjen e kryetarit të PDSH, proces që do të drejtohet nga Komisioni Zgjedhor i Partisë.
Gjithashtu në mbledhjen e sotme të Kryesisë u vendos që pranë Komisionit Zgjedhor, secili kandidat paraqet kërkesën për kandidim brenda datës 20 Qershor 2023.
Në mbledhje u vendos që fushata zgjedhore zhvillohet nga data 24 Qershor deri në datën 27 korrik 2023, ndërsa zgjedhjet për kryetar të PDSH zhvillohen në datë 29 korrik 2023.
Kuvendi i jashtëzakonshëm statutor zhvillohet brenda muajit shtator 2023.
Në mbledhjen e sotme të Kryesisë së PD-së së vulës ishin present 17 anëtarë, mes të cilëve edhe 4 deputetë, ndërkohë që mbledhja u bojkotua nga 8 deputetë të tjerë me në krye Gazment Bardhin, si dhe nga 3 deputetët që paraqitën dorëheqjet nga funksionet e partisë së vulës.
Gazment Bardhi, me cilësinë e Sekretarit të Përgjithshëm, i ka kërkuar Kryesisë që të thërrasë mbledhjen e Këshillit Kombëtar, i cili është i vetmi forum vendimmarrës që mund të vendosë lidhur me procesin zgjedhor në PD-në zyrtare.
Discussion about this post