Duke folur për mediat pas nokautit kundër Spanjës, kapiteni i kombëtares italiane Leonardo Bonucci tha se ishte i pikëlluar nga rezultati dhe nga gabimi që bëri në fillim të ndeshjes:
“Në retrospektivë, shumë gjëra do ndryshoja. Në fillim u përpoqëm të luanim, me këtë formacion donim të sulmonim në thellësi.
Më pas kur guxon vijnë gabimet dhe në fund episodet: goli i pranuar sepse Joselu ishte dhjetë centimetra në lojë, ndërsa në pjesën e parë Frattesi ishte jashtë loje për vetëm dy centimetra.
Duke thënë këtë, në fund ajo që ka rëndësi është rezultati përfundimtar. Të mos luash nuk është kurrë mirë për askënd, por sonte unë jam këtu për të marrë përgjegjësinë për humbjen.
Nuk jam fshehur kurrë pas gabimeve, tani është koha për të përgatitur ndeshjen kundër Holandës. Do të shohim se çfarë do të vendosë trajneri, pastaj të gjithë do të bëjmë disa vlerësime në funksion të muajve të ardhshëm.”- deklaroi Bonucci.
Discussion about this post