Humbi në pyll duke mbledhur kërpudha, gjendet i pajetë 25-vjeçari/ Dyshimet

Një 25-vjeçar është gjetur i pajetë në një kanal me ujë vaditës në zonën e Matit.

I riu kishte shkuar në pyll për të mbledhur kërpudha, ndërsa nuk ishte kthyer në banes╒ deri mesnatën e djeshme. Kjo ka bërë që familjarët e 25-vjeçarit E.GJ, të njoftojnë policinë e Matit, e cila ka nisur kërkimet në zonën e fshatit Shulbatër, për gjetjen e tij.

Pas disa orësh kërkime në bashkëpunim me banorët e zonës dhe familjarët e tij, është gjetur trupi i tij i pajetë.

Sipas policisë, nga këqyrja paraprake, nuk janë konstatuar shenja dhune apo dëmtime të tjera. Nga veprimet e para hetimore dyshohet se ky shtetas është mbytur aksidentalisht.

Grupi hetimor, në drejtimin e Prokurorisë, vijon punën hetimore për zbardhjen e plotë të rrethanave të kësaj ngjarjeje.