Ina Kollcaku, ish-konkurente e “Përputhen” ka reaguar për video-skandalin e Safet Gjicit, Kryebashkiakut të Kukësit, i cili u dorëhoq, por edhe u shkarkua nga posti me një vendim qeverie, disa orë pas shfaqjes së filmimit.
Në reagimin e saj, Kollçaku nuk e konsideron çështje që i përket interesit të popullit video-skandali.
Madje Kollçaku shkruan “nuk ka ndjesi më të shëmtuar për mua se sa përhapja e “skandaleve” seksuale”.
“Nuk ka ndjesi më të shëmtuar për mua se sa përhapja e “skandaleve” seksuale. Ajo që ma shpif më shumë është reagimi masiv moral për çështje që nuk i përkasin fare interesave të popullit kurse për abuzimet me paratë publike, rritjen e çmimeve, taksave, abuzimet me tenderat etj, askush nuk reagon. Ushqehet histeria kolektive me një video seksi dhe kaq…humanët dhe ushqimi i tyre fals, sa keq”, shkruan ajo.
Discussion about this post