U kthye në albumin më të shitur, Adele mbetet jashtë nominimeve për “Grammy”

Albumi “30” i këngëtares Adele nuk ishte i përshtatshëm për asnjë nominim për çmimet “Grammy 2022” për shkak të datës së publikimit.

Materiali i përshtatshëm për “Grammy 2022”, për të cilin nominimet u shpallën të martën, duhej të ishte publikuar nga 1 shtatori 2020 deri më 30 shtator 2021, sipas Akademisë së Regjistrimit.

Artistja muzikore 33-vjeçare publikoi këngën e saj të parë të albumit, “Easy on Me”, më 15 tetor 2021, dhe albumi në tërësi u publikua më 19 nëntor 2021, shkruan DailyMail.

Adele në karrierën e saj fitoi 15 nga 18 nominimet e Grammy-t, duke përfshirë çmimet e rëndësishme: “Artistja e re më e mirë” dhe dy herë duke fituar çmimet për “Albumin e vitit” dhe “Këngën e vitit”.

Albumi “30” debutoi me sukses, duke u bërë albumi më i shitur i vitit në tre ditë pas publikimit të tij, raportoi Billboard të hënën.