Zhdukja e vajzës në Greqi, gjendet celulari i 27-vjeçares Anastasia

Më në fund kanë dalë disa detaje të reja nga zhdukja e 27-vjeçares Anastasia në Kos.

Sipas informacioneve, celulari i saj u gjet në një pallat të braktisur në zonën e Marmarit nga një person që punonte si roje.

Në të njëjtën kohë, në trupin e një 32-vjeçari nga Bangladeshi, i cili po mbahet nën akuzën e rrëmbimit dhe konsiderohet si i dyshuari kryesor për zhdukjen e 27-vjeçares, janë gjetur gërvishtje dhe shenja lufte.

Autoritetet i morën një mostër ADN-je nga organet gjenitale dhe thonjtë, ndërsa në shtëpinë ku jetonte 32-vjeçari u gjetën edhe qime bionde.

Një tjetër element i rëndësishëm që autoritetet po shqyrtojnë, është se burri, të cilit iu gjet një biletë avioni për në Itali, e cila dyshohet se ishte blerë të nesërmen e zhdukjes së vajzës, nuk kishte njoftuar askënd – madje as shokun e dhomës – se kishte ndërmend të largohej.

Materialet e pesë kamerave të sigurisë nga vende të ndryshme që tregojnë rrugën që bëri Anastasia nga Polonia po shqyrtohen nga autoritetet policore në  Kos, për të zbardhur rastin e errët  të zhdukjes  së  27-vjeçares.

Pamjet e kamerave tregojnë vajzën bionde duke bërë pazar në një mini market, që ndodhet pak kilometra larg hotelit ku ajo punonte.

Në të njëjtën kohë me 27-vjeçaren në dyqan ndodhet edhe 32-vjeçari nga  Bangladeshi, i cili është arrestuar me akuzën e rrëmbimit dhe konsiderohet si i dyshuari kryesor për zhdukjen e Anastasias.