Disa kontejnierë të mëdhenj mbetjesh në zonën e ish-Kombinatit Metalurgjik në Elbasan janë vënë në zjarr. Zjarri raportohet se është i qëllimshëm, teksa mësohet se gjatë pasdites po digjeshin mbetje të një rrobaqepësie dhe të një fabrike letre.
Pasojat e këtij zjarri të qëllimtë janë katastrofale për mjedisin, ku era e keqe dhe retë e e dendura të tymit kanë ‘pushtuar’ zonën, duke shkaktuar panik tek qytetarët, të cilëve iu rrezikohet ndjeshëm shëndeti.
Në vendngjarje kanë mbërritur automjetet e shërbimit zjarrfikës, të cilët kanë punuar për disa orë për shuarjen e zjarrit që alarmoi qytetarët. Ndërkohë nuk dihet ende se kush janë subjektet që mbetjet i djegin duke shkaktyuar ndotje mjedisore, teksa inceneratori i Elbasanit ndodhet fare pranë bizneseve që kryejnë këto aktivitete.
Discussion about this post