Guardiola tallet me Lukakun: Fitova Champions, se Lukaku nuk shënonte dot nga 3 metra larg portës

Trajneri i Manchester Cityt, Josep Guardiola, i është përgjigjur një pyetjeje se si ekipi i tij e fitoi Ligën e Kampionëve sezonin e kaluar.

“Kemi kaluar tetë vjet për të fituar Ligën e Kampionëve. E fitova këtë turne sepse Romelu Lukaku nuk mundi të shënonte kundër nesh nga tre metra”, citon Guardiolën “Football”.

Në finalen e Champions League 2022-2023, Manchester City mposhti Interin me rezultat minimal 1-0.

“Qytetarët” për herë të parë në historinë e tyre u bënë pronarë të këtij trofeu, por për trajnerin spanjoll kjo është fitorja e tretë në turneun më prestigjioz evropian, pasi ka fituar dy me Barcelonën.