Ish-deputeti i PD-së Azgan Haklaj, Kuvendi i 11 dhjetorit i thirrur nga Sali Berisha do të jetë një miting politik dhe skenari i Berishës është që të shkojë në selinë blu dhe të pushtojë selinë.
Në një intervistë për mediat, Haklaj shtoi se Lulzim Basha, në këtë datë do të organizojë festën e themelimit të PD-së.
“E di mirë Berisha se nuk bëhet dot kryetar i PD. Skenari është do mblidhemi në miting, do e nxjerrim Bashën nga selia e do të pushtojnë selinë e PD-së. Unë do të jem aty, më 11 kemi festën e PD-së se do bëjë festë në selinë e PD-së. Në të njëjtën ditë do të jetë edhe festa e Bashës dhe Kuvendi i Berishës. Berisha nuk mund ta thotë tani se unë do të bëj një Parti, Partia Konservatore Shqiptare” – ka thënë Haklaj.
Haklaj tha se demokratët ta marrin vesh mirë, pasi Lulzim Basha nuk shkarkohet më 11 dhjetor. Ai shtoi se nëse Berisha mësyn në seli do të quhet si rrëmbim i opozitës legjitime dhe grusht shteti.
“Partia Demokratike ka bërë një kongres të ligjshëm. PD e ka zgjedhur kryetarin me një anëtar me një votë edhe Berisha ka qenë pjesë e këtij procesi. Basha nuk shkarkohet me 11 dhjetor. Nëse mësyn në selinë e PD-së është rrëmbim i opozitës legjitime, është grusht shteti”- tha Haklaj.
Discussion about this post