Historia që u trajtua sot në emisionin “Me zemër të hapur” në News24 risolli një ngjarje të vitit 2015 në qytetin e Fierit, ku i ndjeri Noke Likometaj u gjet i vrarë dhe i hedhur në një kazan plehrash. Për këtë vrasje është akuzuar nga familja e viktimës shtetasi Skënder Krasniqi.
Familjarët e tij, nusja së bashku me nënën e tij 80-vjeçare kanë denoncuar pas shume episodesh ligjore dhe kundërshtimesh mbi atë çfarë ka ndodhur me të akuzuarin Skënder Krasniqi, duke pohuar se është i pafajshëm dhe se po vuan dënimin pa të drejtë.
Por nga ana tjetër nëna e të akuzuarit, Roza Krasniqi shprehet se me viktimën ka pasur para ngjarjes një episod ngacmimi nga ana e të ndjerit dhe për këtë shprehet ajo është dyshuar dhe akuzuar i biri. Edhe pse kanë kaluar vite, drejtësia sipas 80-vjeçares nuk është dhënë.
“Nuk dua asgjë, vetëm që e drejta e djalit të dalë në dritë. Unë dua vetëm drejtësi”, tha e moshuara.
Discussion about this post