U kthye në djalë, e reja pendohet për vendimin/ Ja si u transformua

Në vitin 2016, Milo u shfaq në dokumentarin MTV “Transformation”, që dokumentoi fillimet e shndërrimit të saj nga vajzë në djalë. Asokohe, thoshte se i pëlqenin këmishat hauajane dhe se ndihej “i pamposhtur”.

Shtatë vjet më vonë, ajo u rikthye në një postim në YouTube- këtë herë si femër, – me rrëfimin tronditës se ky tranzicion e la me dëmtime, qime të shumta në trup e ndoshta tashmë, edhe jopjellore.

“Rezultoi një gabim i madh”, pretendon adoleshentja.

“Vazhdoj të mendoj se nëse dua që njerëzit të më perceptojnë si grua, atëherë duhet të bëj ushtrime për ndryshimin e zërit dhe heqjen e qimeve me lazer nga fytyra ime. Por jam shumë e lodhur”.

Javët e fundit, Milo ka hequr dorë nga testosteroni dhe tani shprehet i vjen keq për tranzicionin që e la me probleme të dhimbshme mjekësore. Në përpjekjen e saj për të ndryshuar gjininë, Milo hoqi gjoksin me operacion e në moshën 21-vjeçare bëri histerektomi.

“Thjesht nuk më interesonin organet e mia riprodhuese. Në mendjen time thosha: Nuk më duhen këto organe se jam burrë”, pohoi ajo në video.

Pas tetë muaj u kthye te mjeku. Vezoret e saj nuk u hoqën gjatë histerektomisë, por njëra prej tyre u këput dhe “vdiq”.