Kryetari i Partisë së Lirisë, Ilir Meta, ka drejtuar një apel për ti dhënë fund ndërhyrjeve të “njëanshme dhe provokuese, të cilat synojnë të vendosin në një presion të pandershëm institucionet e Kosovës”. Meta shprehet se ndërhyrjet e njëanshme nuk ndihmojnë në zgjidhje, por vendosin nën presion të pandershëm institucionet e Kosovës.
“Është shumë e rëndësishme për Shqipërinë, për Qeverinë shqiptare, për Kuvendin, për institucionet që t’i japin fund ndërhyrjeve të njëanshme dhe provokuese, të cilat nuk ndihmojnë në zgjidhje, të cilat synojnë të vendosin në një presion të pandershëm institucionet e Kosovës, pasi është e qartë botërisht dhe ka qenë gjithçka dhe mbetet gjithçka në dritën e diellit se Asocacioni i Komunave është një marrëveshje e pranuar nga Qeveria e Kosovës dhe ajo garantohet në Marrëveshjen e Brukselit dhe në Aneksin e Marrëveshjes së Ohrit, të realizuar me mbështetjen dhe negocimin e Bashkimit Europian, por edhe të Shteteve të Bashkuara të Amerikës”, shkruan Meta.
Discussion about this post