Kreshnik Çollaku është një nga deputetët e paktë që mbështet mbajtjen e zgjedhjeve për kreun e ri të PD-së zyrtare në 29 korrik.
Megjithëse shumica e deputetëve demokratë, jo vetëm ata që janë të rreshtuar në krah të ish-kryeministrit Sali Berisha, por edhe ata që ndodheshin në PD zyrtare, kanë kundërshtuar mbajtjen e zgjedhjeve në këtë situatë, Çollaku del me një propozim, që sigurisht që nuk do të pranohej të paktën nga grupimi i Rithemelimit.
Çollaku propozon që në rast se Rithemelimi pushon së ekzsituari, ai do të ishte i pari që do të kërkonte shtyrjen e mbajtjes së zgjedhjeve në PD.
“Njeriu kryesor që ka në dorë që ta zhbllokojë këtë situatë është zoti Berisha, nëse ai do të kishte vullnet, nuk do të kishte më asnjë pengesë”, tha më tej deputeti demokrat.
Sa i takon rikandidimit të Lulzim Bashës, Çollaku tha se Gjergj Hani është më i disavantazhuar në raport me Bashën, pasi nuk ka një njohje aq të mirë me strukturat sa zoti Basha.
“Unë nuk jam nga fansat e zotit Basha, kam pasur dhe kam rezervat e mija për të, që në 2017, edhe kur këta që e shajnë sot i qëndronin në krahë. Nëse unë do ta votoj apo jo do e them fare hapur dhe troç, pasi dua ta dëgjoj a do të ketë fuqi që të përballet me gabimet e të shkuarës”, tha Çollaku në një intervistë televizive.
Discussion about this post